ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

លោក ស៊ុយ ឆៃលាង ចាកចេញពីបក្សភ្លើងទៀនដោយថាមេដឹកនាំគ្មានជំហរច្បាស់លាស់បង្កតែភាពវឹកវរក្នុងប្រទេស

  • ចុះផ្សាយថ្ងៃទី១៩ ខែឧសភា ឆ្នាំ២០២៣ ម៉ោង ១២:០៨ នាទី ដោយ Hun Sirivadh
  • 2212
  Aa |   aA

ភ្នំពេញ៖ មន្ត្រីជាន់ខ្ពស់គណបក្សភ្លើងទៀន លោក ស៊ុយ ឆៃលាង បានស្នើសុំចុះចូលជាមួយគណបក្សប្រជាជននិងបានលើកឡើងថាមូលហេតុដែលលោកចាកចេញពីគណបក្សភ្លើងទៀនដោយសារថ្នាក់ដឹកនាំគណបក្សនេះមិនមានគោលជំហរច្បាស់លាស់ បង្កតែភាពវឹកវរ ប្រទូសរាយ ចលាចលក្នុងប្រទេស។

លោក ស៊ុយ ឆៃលាង ដែលអះអាចថាបេក្ខជនដែលត្រូវបក្សភ្លើងទៀនដាក់ឈរឈ្មោះបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ នៅមណ្ឌលខេត្តកណ្ដាល បានស្នើសុំការអនុញ្ញាតពីប្រធានបក្សប្រជាជនដើម្បីសុះចូលរួមជីវភាពនយោបាយ ចូលរួមកសាងប្រទេស និងអភិវឌ្ឍន៍ជាតិទៅថ្ងៃអនាគត។

លោកបានទទួលស្គាល់ថាក្រោមការដឹកនាំរបស់សម្ដេចតេជោបាននាំកម្ពុជាមានការអភិវឌ្ឍន៍ មានសន្ដិភាព និងការរីកចម្រើនជាបន្តបន្ទាប់។

លោកថា៖ «ខ្ញុំបាទសូមអបអរសាទរព្រឹត្តិការណ៍ជាប្រវត្តិសាស្ត្រប្រកួតកីឡាស៊ីហ្គេមលើកទី៣២ បានធ្វើឱ្យកម្ពុជាលេខត្រដែតលើឆាកអន្តរជាតិដែលមានសម្ដេចតេជោជាប្រមុខដឹកនាំរាជរដ្ឋាភិបាល»។

ជាមួយគ្នានេះលោកបានវាយប្រហារថ្នាក់ដឹកនាំបក្សភ្លើងទៀនថា៖ «កន្លងមកខ្ញុំបាទបានចូលរួមបម្រើថ្នាក់ដឹកនាំនៃអតីតគណបក្សសង្គ្រោះជាតិ និងគណបក្សភ្លើងទៀន ដោយថ្នាក់ដឹកនាំមិនមានគោលជំហរច្បាស់លាស់ មានតែការបង្កភាពវឹកវរ ប្រទូសរាយ ចលាចលក្នុងប្រទេស ទើបខ្ញុំសម្រេចចិត្តចូលរួមជីវភាពនយោបាយដោយស្មោះស្ម័គ្រឥតងាករេជាមួយគណបក្សប្រជាជនកម្ពុជាចាប់ពីពេលនេះរហូតតទៅ»។

ក្រោយពីបានសុំចុះចូលជាមួយបក្សប្រជាជនលោក ស៊ុយ ឆៃលាង ក៏បានប្រកាសគាំទ្រគោលនយោបាយរបស់បក្សប្រជាជន និងគាំទ្របេក្ខភាពលោក ហ៊ុន ម៉ាណែត ជានាយករដ្ឋមន្ត្រីនាពេលអនាគតផងដែរ។

នាយករដ្ឋមន្ត្រីកម្ពុជា និងជាប្រធានបក្សប្រជាជន សម្ដេចតេជោ ហ៊ុន សែន បានសរសេរនៅបណ្ដាញទំនាក់ទំនង Telegram របស់សម្ដេចថា សម្ដេចបានទទួល និងសូមស្វាគមន៍លោក ស៊ុយ ឆៃលាង មកជាសមាជិកគណបក្សប្រជាជនផងដែរ។

មួយរយៈចុងក្រោយនេះចលនានៃការសុំចុះចូលជាមួយបក្សប្រជាជនមានកាន់តែច្រើនពីសមាជិកក្រុមប្រឆាំងដោយពួកគេថា បានអស់ជំនឿនិងថ្នាក់ដឹកនាំរបស់គណបក្សខ្លួន៕


ព័ត៌មានជាច្រើនទៀតសម្រាប់អ្នក